கார்மேகம்

மழை வரும் போல் இருந்தது

உலர்துணிகள் எடுக்க மொட்டை மாடி விரைந்தேன்

சென்ற நொடி சிலையானேன்

கார்மேகக் குவியல் கவின் கண்டு

எக்கணமும் வெடித்து விழ எத்தனித்த முகில் துளிகளை

கைகள் ஏந்த ஆவலானேன்

ஈர இத காற்றுக்கு இதழ்கள் குவித்தேன்

முன்மழை மண்வாசனை முகர்ந்து முகர்ந்து நுரையீரல் நிறைத்தேன்

சடசடவென அடித்த சாரலில் கண் திறந்தே கரைந்தேன்

காய்ந்த துணிகள் நனைவதை மறந்து!